NASKAH DRAMA PASKAH BAHASA BATAK

TAMAN GETSEMANI

MARKUS

JESUS            : (Dung i sahat ma nasida tu sada ladang na margoar Getsemane), ‘Hundul ma hamu dison, tagan martangiang Ahu.’

(Jala ditogihon ma si Petrus, Jakobus dohot Johannes. Dung i biahaton ma Ibana jala bobonosan.)

‘ Mansai marsak do rohangku, hira na mate do. Dison ma hamu mian jala dungo’

(Dung i laho ma Ibana tu jolo saotik, dipatungkap ma dirina tu tano martangiang, anggiat disalpuhon tingki i sian Ibana, anggo na tarbahen.)

‘Ale Amang, saluhutna do tarpatupa Ho! Salpuhon ma siinumon on sian Ahu! Alai ndada guru lomo ni rohangku, roham do.’

(Dung i ro ma Ibana, jadi modom do nasida didapot,) ‘O Simon, na modom do ho hape! Ndang margogo ho dungo, nanggo sangombas, Dungo ma hamu jala martangiang, asa unang bongot hamu tu bagasan pangunjunan; ai na girgir do nian tondi i, alai gale do ia daging.’ (Dung i diulakkon ma martangiang; laos hata ondeng do didok.)

(Dung i di na ro Ibana muse, tong do modom nasida didapot,)

‘Datdatanmuna dope modom dohot maradian! Sae ma i! Nunga dapot tingkina! Ida hamu, pasahatonna ma Anak ni jolma i tu tangan ni angka pardosa!’

YESUS DITANGKAP

LUKAS

 Judas                          : ( Dijonoki ma Tuhan Yesus jala diumma do Ibana)

Yesus                          : ‘O Judas, pangummaon do hape dibahen ho, pasahathon Anak ni jolma i?’

Sisean ni Jesus 1          :  ‘Tuhan, tampulhononnami ma podang i?’

Sisean ni Jesus 2          :  (manampul naposo ni sintua ni malim, gabe digotap pinggolna siamun.)

 Jesus                           : ‘Sae ma i!’ ( Dijama ma pinggol i, dipamalum ma halak i.)

' Angka sigomgom joro i dohot angka panungganei, naung manahopi Ibana: Hira dompak halak panamun hamu ro, mantat podang dohot lombutlombut. Ariari do Ahu rap dohot hamu di joro i; ndang dung dilaluhon hamu tanganmuna dompak Ahu. Alai on do tingkimuna dohot huaso ni haholomon i.’

YESUS DIHADAPAN MAHKAMAH KONSTITUSI

MATIUS

Sitangkup Jesus           :(Asa dung ditangkup nasida Jesus, ditogihon ma Ibana tujolo ni sintua ni malim si Kayapas, ai nunga pungu disi angka sibotosurat ro di pangituai.Alai sai mangihut do si Petrus mandaodao sahat ro di alaman ni sintua ni malim i. Laos bongot ma ibana tubagasan, laho hundul tusi rap dohot angka naposo marnida ujungna.)

Sintua Ni Malim          :(Alai anggo angka sintua ni malim ro di sandok rapot godang mangalului panindangion gapgap dompak Jesus, na tuk mambahen Ibana marutang hosa.Alai nang pe hehe torop sitindangi gapgap, ndang adong jumpangsa.)

Parjehe                                    : ‘Didok Halak on: Tarbahen Ahu do mangalohai joro ni Debata jala pajongjong i            sumuang di bagasan tolu ari.

Sintua ni Malim           : ‘ Ndang alusanmu na hinatindangkonnasida dompak Ho?’

Sintua Ni Malim          : ‘Hupatolon ma Ho tu Debata Siparngolu i, asa dipaboa Ho tu hami, manang na    tutu Ho Kristus, Anak ni Debata!’

Jesus                           : Songon na nidokmi ma tutu! Alai hudok ma tu hamu: Olat ni on ma idaonmuna   Anak ni jolma i, hundul di siamun ni Hagogoon jala ro di atas ombun ni langit.’

Sintua Ni Malim          : (Gabe diribakkon sintua ni malim ma pangkeanna)

‘ Na mangaleai Debata do Ibana! Pola luluan dope sitindangi? Nunga dibege hamu pangaleaina i!’

Sintua Ni Malim          : ‘Boha do ninnsa rohamu?’

Natorop                       : ‘Marutang hosa ma Ibana!’

Sordadu                      : ( ditijuri nasida ma bohina, na deba manompuk, na deba mangalinsingi,)     ’Surirangi hami, Kristus, ise do na mambunu Ho?’

YESUS DIHADAPAN PILATUS

LUKAS

Natorop, Sintua Ni Malim Dohot Parjahat     :( Dung i hehe ma saluhut nasida na pungu i, mamboan Ibana tu jolo ni si PiLatus, Dialuhon nasida ma Ibana,) ‘Na dapot hami do on pabalikbalikkon bangsonami jala mangorai mangalehon guguan tu Kesar i; dipandok, Raja Kristus do Ibana.’

Pilatus                                                             : ‘Ho do Raja ni Jahudi i?

Jesus                                                                : ‘Songon na nidokmi ma tutu!’

Pilatus                                                             : ‘ Ndang adong dapot ahu sala ni Halak on!’

Parjahat. Sintua Ni malim,dohot Parjahat : ‘Digunturi Ibana do bangso i, ai sai mangajari Ibana di                                                             sandok tano Judea, mamungka sian Galilea sahat ro tuson.’

Pilatus                                                             :‘Halak Galilea Ibana? Jala dung diboto, na sian gomgoman ni si Herodes Ibana, disuru ma Ibana tujolo ni si Herodes, ai tongon do ibana di huta Jerusalem uju i.’

YESUS KEMBALI DIHADAPAN PILATUS

LUKAS

Pillaatus           : ‘ Diboan hamu do Halak on tu jolongku, sipabalik bangso didok hamu; jala di jolomuna hutangkasi i, gabe ndang adong jumpang ahu di Halak on sala, angka na tinuhashonmuna tu Ibana.’Si Herodes pe songon i do, disuru do Ibana mulak tu jolonami; asa ndang adong parulaonna, na tama mambahen Ibana marutang hosa. Dibahen i lasahanku ma Ibana, asa pinalua.

Natorop, Sintua Ni Malim, Parjahat   :’Pusa ma on! Si Barabas ma palua di hami,Parsilangkon, parsilangkon Ibana!

Pilatus                           : ‘Ai aha do na jat dibahen Halak on? Ndang jumpang ahu agia aha di Ibana na tau gabe marutang hosa. Dibahen i lasahanku, dung i paluaonku ma Ibana.’

 (Alai dipangiar be do soarana manosahi ibana, mangido parsilanghononhon Ibana; jala siat ma joujounasida.Jadi dipaputus si Latus ma, pasauton nama pinangido ni rohanasida i.Dipalua ma halak na pinangidonasida i, na tarhurung ala ni na guntur dohot ala ni todostodos; ia Jesus dipasahat ma guru roharohanasida.)

YESUS DIBAWA UNTUK DISALIBKAN

LUKAS

( Laho manogihon Ibana, disoro nasida ma sahalak, si Simon sian Kinene do goarna, na ro sian ladangna; tu ibana ma dipaporsanhon hau pinarsilang i, paihutihut Jesus.Mangihuthon Ibana torop halak nang angka boruboru na mananangisi jala mangandungi Ibana.)

Jesus                : ‘Hamu, angka boru Jerusalem, unang ma Ahu tatangisi hamu, dirimuna dohot anakkonmuna ma! Ai na ro ma angka ari sogot, dohononna ma disi: Martua ma angka na hol, angka ina na so dung tubuan jala na so dung panarusan! Disi ma pungkaon ni halak mandok tu angka dolok: Tinggang i ma hami! Dohot tu angka tor: Hungkupi hami! Ai molo songon on pambahennasida tu hau na rata, aha ma tagamon masa tu hau naung masak?

(Alai ditogihon dope dua halak nari, parjahat, sipamateon rap dohot Ibana.)

YESUS DISALIBKAN

LUKAS

(Asa dung sahat nasida tu dolokdolok na margoar partangkurahan, diparsilangkon ma Ibana disi rap dohot angka parjahat i, na sada tu siamunna, na sada nari tu sihambirangna.)

Jesus                            :’Ale Amang! Marpamuati ma roham mida nasida, ai ndang diboto nasida na binahennasida i. Laho marbagi ulosna, manjomput na sinurat ma nasida.’

Sintua NI Malim         : ‘Ia na leban dipalua; ua, dirina ma dipalua, anggo na tutu Kristus ni Debata, na pinili i Ibana!’

Sordadu                      : (Alai dohot do angka soldadu i pauruuru Ibana. Dipajonok mamboan na asom tu Ibana.) ‘Anggo raja ni Jahudi do Ho, palua dirim antong!’

Parjahat Na disilanghon          : ‘ Ai ndada Kristus i Ho? Palua ma dirim, nang hami antong!’

Naburju Na di silanghon         : ‘ Ndang dihabiari ho hape Debata, atik pe rap hona uhum hita? Uhum na tigor do na tu hita, ai tajalo do upa ni pambahenanta; alai anggo Ibana, ndang adong diula na so ture.O Jesus, ingot ahu, ia dung sahat Ho tu harajaonmi!’

Jesus                                        : ‘ Situtu do hatangkon tu ho: Sadari on do ho rap dohot Ahu di Paradeiso!’

YESUS MATI

LUKAS

(Jala mareak pungkul sampuludua, songgop ma na holom tu sandok tano i sahat ro di pungkul tolu.

Ai mangkolom ma mata ni ari i. Jadi maribak ma hirehire na di bagas joro i, bola dua.)

Jesus                            : ‘Amang! Tu bagasan tanganmu ma hupasahat tondingku!’

( Jadi dung didok i, tos ma hosana.)

Kepala Sordadu          : ‘ Tutu do, halak na tigor roha do On!’

(Jadi sude natorop i, na marluhut mainondur, masitompuk andorana, marnida na masa i, laos mulak ma.

Alai mandaodao do jongjong saluhut angka na tumanda Ibana marnidasa, songon i angka parompuan na mangihuthon Ibana sian tano Galilea.Jadi adong ma sada halak, na margoar Josep, masuk rapot godang, parroha na burju jala na tigor.)